如何選擇香港調酒課程？學調酒邊間好？

上文提要是怎樣開始學調酒呢？最主要有『網上自學』及『報讀課程』，前文分享了幾個不同語言的教學頻道希望大家喜歡，未睇文章快快回看一下》https://www.flairiron.com/post/how-to-start-cocktails-mixing

終於來到這一篇，報讀課程前當然要花點時間心機去比較一下，人生時間好寶貴喔，寧願報名前睇睇好過報咗之後花了金錢，學唔倒野之餘仲要嘥時間！我為大家歸納幾個重點及常見疑問。🤔

首先，香港哪裡有調酒課程報讀？

香港辦調酒課程機構有很多，包括有工聯會，香港調酒學校，港青YMCA，品酒師調酒師培訓學院，ERB再培訓局等。當然仲有我地Flair Iron調酒工作室嘅CMB一對一調酒課程，得到呢啲資料之後，我地就要教你去比較以下細節喇！

重點1/ 上課模式（一對一與大班人上堂？）

以往辦調酒課程嘅機構使用舊式學習模式，即係好多人一齊上堂，去背配方成份表，睇導師示範，小杯試味，間中先有機會隨機抽簽先有機會親手嘗試。

而近年隨著我地嘅雞尾酒工作坊首創『每一位都有工具親手做』，已經好多調酒機構跟著呢個方向，不過，在我地Flair Iron而言，如果你要求係一個PRO嘅調酒課程，一對一先係最好！👍👍

FLAIR IRON CMB調酒課程設計由每位參加者使用一套專業工具，於吧檯裡親手去制作，親自去品嚐。一對一，一對二教學，你有咩問題都可以即時發問，即時解問，真真正正學調酒！

咁一班都有得親手做的話，一對一上堂嘅最大分別同優點係？

(A) 材料選擇 - 試想一個機構為一大班人預備調酒材料，酒嘅質素會係靚野嗎？例如我學整蛋糕，課程機構只提供最平價麵粉同雞蛋，製成品質素當然非常一般。所以FLAIR IRON CMB調酒課程最大分別係工作室內嘅酒庫品質係精挑細選，Gin同Whisky都有超過一百個brand，教你理解不同變化讓你自由選擇材料去調製你嘅雞尾酒！仲有調酒用冰粒，我地都一絲不苟親手處理。

(B) 時間問題 - 一大班人上堂就係每星期固定時間，一對一好處跟坊間學習樂器一樣，同我地夾好時間，彈性上堂安排。

(C) 個人目標 - 上文提要學調酒有人為興趣，有人為入行，有人想做老闆。試想三類人同一齊上堂，一個導師根本無可能照顧幾類人唔同嘅需要，例如話講下有人想知多啲關於成本控制酒吧運作，或者入行有幾錢晉升階梯，或者晌屋企點樣開Party？唔同人有唔同需要，相信大家初步明白，一對一嘅好處。

重點2/ 調酒器材及工具

工欲善其事 必先利其器，簡淺嘅道理。FLAIR IRON CMB調酒課程給同學使用基本工具例如Shaker，量杯，Bar Spoon，都係來自歐美同日本有質素品牌（Birdy，Yukiwa，Cocktail Kingdom）深入至器材例如旋轉蒸餾儀，Flavour Blaster泡泡煙槍，Perlini二氧化炭Shaker，並唔係一般課程機構能夠如此認真，專業，而都係我地FLAIR IRON希望做到最好細節。🙂

重點3/ 師資質素

調酒叻，教唔一定叻。點樣可以比較唔同機構嘅師資質素呢？就係課程機構能夠提供啲咩資料比你參考。建議一》可以從Google review或facebook review參考，建議二》親自向調酒課程機構查問，而FLAIR IRON CMB調酒課程就係小弟親自設計，各位可以從我嘅個人網站或FLAIR IRON YOUTUBE CHANNEL睇下影片，你就會更了解我嘅對調酒能力同埋表達方式。😌

重點4/ 課程內容與學費？

與其單單比較價錢高低平貴，我會比較建議你考慮物值高嘅選擇，即係所謂『CP值』。你需要好清楚知道課程內容目標到底係咩方向，通常調酒課程都會分級制設立唔同嘅階段目標，要慢慢逐一比較，而我能夠簡單話比你聽就係FLAIR IRON CMB調酒課程分類為CMB Mix及CMB Pro，CMB Mix主要方向係「學習精緻雞尾酒」，CMB Pro主要方向係「成為專業調酒師」為目標成果。

完成四個重點比較，相信你都會為自己挑選一個最適合嘅調酒課程

最後好多人都會問，上完堂有無證書呢？香港教育畸形文化，乜都要證書🤦‍♂️。無論你為入行或為興趣，學調酒根本無需要為證書而學。如果你係為入行的話，可以睇下以下呢段影片了解更多，係訪問兩位業內資深調酒師分享有關BARTENDER入行及發展，當中有講解到相關資料。

各位有任何問題或評論，歡迎在下面留言分享！

謝謝觀賞。