我只係一個熱愛創新既小小調酒師

你問我有冇調酒師牌？我會答你，我冇，原來疫情期間我仲未報班，但你可能會疑惑，咁你點識，點入行？係我入行前，我對調酒真係零基礎，乜都唔識，只係識一啲以前去飲酒少少野，但之後因為呢間餐廳既機緣巧合，我有機會去接觸，從小，我就好鍾意乜都試一餐，調酒？左溝溝右溝溝？溝出黎好飲咪得囉，呢個係唔識「調酒」前既諗法，但到我依加接手咗餐廳既Bar黎做後，我愛上咗「調」都愛上咗「酒」，唔單止係喜趣，愛好，都係我既實驗，由乜都唔識，自己一張白紙咁企入去，問人，睇書，睇片，由何謂基酒到何謂雞尾酒，再睇酒既歷史，每一種雞尾酒既調法，自己再去試，慢慢由一個唔識既人，變成一個有概念有基本技巧既小小調酒師，再為餐廳既客人整一杯屬於佢既飲品，令到自己開一始有一班會欣賞自己既人，調酒對我黎講仲係一條好遠既路，我唔識既，要學既，仲有好多好多，希望有朝一日，你飲完我所調出黎既飲品，你會感受到我既熱誠。

我係一個小小調酒師