Dry Shake，通常係當材料有蛋白時會處理嘅工序，即先混合材料及加入氣泡感，再進行加冰Shaking，就可以將蛋白形成一層綿細幼滑嘅泡泡。

但有啲調酒師，確實未必會做Dry Shake。

例如話使用Hand Blender或攪拌機先Blend一次代替Dry Shake，當一整晚要做過百杯雞尾酒嘅時候，確實係一個好方法慳返啲力。

又例如調酒師有非常好功能性嘅Shaker，好似日本Birdy Shaker，設計嘅縱向打磨內層，讓溶水量減低，橢圓設計減少冰碎溶化，加上調酒師對自己Shaking嘅技術有信心。Ramos Gin Fizz都可以NO DRY SHAKE，睇睇以下Erik Lorincz 示範。

至於Reverse Dry Shake，暫時都比較少見Bartender會做，雖然確實可以再增加蛋白起泡，但未太多人運用原因主要係酒溫嘅考慮，同埋氣泡比較容易變得粗梳大粒。

上集自由斟直播節目亦即場示範分享，有興趣可睇重播喔

大家歡迎交流分享，你又點處理有蛋白嘅Cocktails呢？😀